Amoy Pasko na naman!!! 11.10.07

Naaamoy ko na ang pasko... malapit na talaga... Sino bang hindi excited kapag dadating na ang Christmas? Kahit yung iba sinasabi na magastos ang pasko, aminin man nila't hindi, MASAYA talaga! Sobrang bilis ng araw... natatandaan ko pa mga nangyari last christmas... tapos ngayon, eto na naman!

Kung tutuusin, pare-pareho lang naman ang mga nangyayari kapag magpapasko... Kapag September 1 na, sasabihin "BER month na! Unti-unti kang may maririnig na Christmas Songs sa radyo... sa TV, may mga commercials na pasko na ang theme.. pero konti pa lang... pinapasabik ka lang kumbaga... Kapag October na, mejo halloween muna ang sikat.. puro mga nakakatakot ang palabas... sayang nga eh, wala ng "Magandang Gabi Bayan"... isa pa naman yan sa mga pinakaka-abangan naming magpipinsan nung mga bata pa kami... dati pa nga, sabay-sabay kaming nanonood nyan, tapos after manood, magkwekwentuhan na kami ng mga nakakatakot... November 1, puntahan sa sementeryo... ang iba dito na lang sa bahay magtitirik ng kandila.. syempre, mawawala ba 'yung paglalaro ng kandila... yung tipong kukunin mo yung mga upos ng kandila, tapos gagawin mong bola... (naku, galit na galit ang mga kj na magulang namin)...... after ng Undas, start na kami magkabit ng mga Christmas decors... heaven ang feeling... di ko alam kung bakit, pero excited talaga ko kapag nakikita ko na yung mga Christmas lights, Christmas Tree, etc etc... Tapos, bago mag Simbang Gabi, magkakabit na ang nanay ko ng kurtina, sapin sa upuan, at kung ano-ano pa, na tuwing magpapasko mo lang makikita.... Nung nag-aaral pa ko, excited ako magpasko kasi madami akong "Aguinaldo" na matatanggap.... Ngayong nagtatrabaho na ko, excited ako sa Pasko kasi may "BONUS" saka "Aguinaldo" ule... hehehe! Sino may sabing kapag may trabaho na, bawal na bigyan ng "pamasko"??? hehehe! Isa pang inaabangan ko, ay yung pagbili namin ng damit na pang-FAMAS (Pang pamaskong damit).... Dapat dalawang set na bago, isang pang Christmas at isang pang New Year! Madami ngang nagsasabi sa kin, "bakit kailangan mo pa ng bagong damit?" eh ano naman, para kasing kulang kapag wala kang bagong damit.... diba? May nakaka-relate ba naman ba sakin? hehe! Usually, namimili ako ng mga regalo kapag December 23 na, kadalasan sa Greenhills na... kung maramihan, makakatawad ka pa... sa dami ba naman ng inaanak ko, kelangan ko talagang baratin 'yung tindera...Lalo na ngayon, nandito pa si Sophia, dagdag regalo... hehehe!.... May exchange gift at Christmas Party dito sa compound, MASAYA!!! Well, may ibang aabangan ngayon, magkakaroon daw ng "VOLLEYBALL TOURNAMENT", with cash prize and trophy... san ka pa? :) Ibang level... hehe! Goodluck!

Excited na ko... halata ba? Sobra!!!!